पुणे, ता. १९ ः मराठी रंगभूमीला लाभलेला संगीत नाटकांचा समृद्ध वारसा ‘नाट्यसंगीताची वाटचाल’ या विशेष कार्यक्रमातून दिवाळीच्या पूर्वसंध्येला उलगडणार आहे. सकाळ माध्यम समूहातर्फे सोमवारी (ता. २०) सायंकाळी साडेसहाला कर्वेनगरच्या डीपी रस्त्यावरील पंडित फार्म येथे हा कार्यक्रम सादर होणार आहे.
निपुण धर्माधिकारी लिखित-दिग्दर्शित हा अभिनव प्रयोग प्रसिद्ध गायक-अभिनेते राहुल देशपांडे, गायिका प्रियांका बर्वे आणि अभिनेते अमेय वाघ हे कलाकार सादर करणार आहेत. पीएनजी एक्सक्लुझिव्ह आणि न्याती ग्रुप हे कार्यक्रमाचे सहप्रायोजक आहेत. लोकमान्य मल्टिपर्पज को-ऑप सोसायटी लि., क्रेझी चीजी कॅफे, देशपांडे रिअल्टी-प्रसाद देशपांडे व्हेन्चर आणि चार्वी हे या कार्यक्रमाचे सहयोगी प्रायोजक आहेत.
मराठी संगीत नाटक हे आपल्या नाट्यसृष्टीचा आणि चित्रपटसृष्टीचा पाया आहे. आजच्या पिढीला मात्र संगीत नाटकांविषयी फारशी माहिती नाही. त्यांना रंजक पद्धतीने या परंपरेची ओळख करून देणे, हा या कार्यक्रमाचा उद्देश आहे. निवडक संगीत नाटकांमधील काही भाग आणि काही नाट्यगीतांचा समावेश या कार्यक्रमात असेल. या कार्यक्रमाला येणाऱ्या प्रेक्षकांनी आजवर एकही संगीत नाटक पाहिले नसेल, तरी त्यांना या कार्यक्रमाचा पुरेपूर आनंद घेता येईल आणि या परंपरेची ओळख होईल. अतिशय रंजक स्वरूपात या कार्यक्रमाची रचना करण्यात आली आहे.

अशी मिळवा तिकिटे
--------------
कार्यक्रमाची तिकिटे bookmyshow.com व ticketkhidakee.com या संकेतस्थळांवर उपलब्ध आहेत.
या कार्यक्रमाच्या सशुल्क प्रवेशिका ''लोकमान्य सोसायटी''च्या सभासदांसाठी सवलतीत उपलब्ध करून देण्यात आल्या आहेत.