पुणे, ता. २५ : ‘‘गांधी गोडसे एक युद्ध हा चित्रपटात नथुराम गोडसेच्या विचाराचे उदात्तीकरण केले असेल, तर राज्य सरकारने या चित्रपटावर बंदी घालावी, अशी मागणी करणार असल्याची माहिती रिपब्लिकन पार्टी ऑफ इंडिया (खरात) यांच्याकडून देण्यात आली. कसबा पेठ आणि चिंचवड या विधानसभा मतदारसंघांत पोटनिवडणूक लागली आहे. राष्ट्रवादी काँग्रेस या दोन जागांवर जी भूमिका घेणार आहे. त्याचबरोबर आमचा पक्ष आहे. तसेच राज्यामध्ये वंचित आणि शिवसेना या पक्षाची युती झाली आहे, त्याचेदेखील आम्ही स्वागत करतो,’’ असे पक्षाचे अध्यक्ष सचिन खरात यांनी सांगितले.