पुणे, ता. २८ ः शिवसेना उद्धव बाळासाहेब ठाकरे पक्षाच्या छत्रपती शिवाजीनगर विधानसभा मतदार संघाच्यावतीने हिंदु हृदयसम्राट बाळासाहेब ठाकरे यांच्या जयंतीनिमित्त नेत्र तपासणी व मोतीबिंदू शस्त्रक्रिया शिबिराचे आयोजन करण्यात आले होते. यावेळी ४०० जणांची मोफत नेत्र तपासणी झाली. तर ९० व्यक्तीवर मोतीबिंदू शस्त्रक्रिया करण्यात आली. तसेच यावेळी आयोजित करण्यात आलेल्या रक्तदान शिबिरात १०५ रक्तदात्यांनी सहभाग नोंदविला. यावेळी संपर्कप्रमुख आदित्य शिरोडकर, जिल्हा प्रमुख काकासाहेब धावडे, शहरप्रमुख गजानन थरकुडे, मकरंद पेठकर आदी उपस्थित होते.