पुणे, ता. १६ : शिवजयंती, महाशिवरात्र आणि कसबा विधानसभा मतदारसंघातील पोटनिवडणुकीच्या पार्श्वभूमीवर पुणे पोलिसांनी घेतली. यात तीन हजार ७०७ गुन्हेगारांची तपासणी केली. त्यातील ५२१ जणांना अटक केली आहे. त्यासाठी बुधवारी मध्यरात्री विशेष मोहीम (कोम्बिंग ऑपरेशन) राबविले गेले.
पोलिस आयुक्त रितेश कुमार तसेच सह पोलिस आयुक्त संदीप कर्णिक यांच्या मार्गदर्शनाखाली ही मोहीम राबविण्यात आली. शहरातील विविध भागांत स्थानिक पोलिस ठाणे तसेच गुन्हे शाखेतील पथकाने तपासणी केली. पोलिसांनी मोहिमेत गंभीर गुन्ह्यातील ५२१ गुन्हेगारांना ताब्यात घेऊन त्यांना अटक केली. तसेच, बेकायदा शस्त्र बाळगल्याप्रकरणी पाच जणांना पकडले. त्यांच्याकडून शस्त्रसाठा जप्त केला आहे. अमली पदार्थ विरोधी पथकाने टांझानिया देशातील तरुणाकडून २३ लाख २६ हजारांचे कोकेन जप्त केले. तसेच, मुंढव्यातील हुक्का पार्लरवर छापा टाकला तसेच ५८१ गुन्हेगारांवर प्रतिबंधात्मक कारवाई केली.
दीड हजार वाहनचालकांची तपासणी :
नाकाबंदीत एक हजार ४८५ वाहनचालकांची तपासणी केली. त्यात नियमभंग केल्याप्रकरणी ३२ वाहनचालकांवर कारवाई केली. या सोबतच पोलिसांनी नुकतेच कारागृहातून जामीन मिळवून बाहेर पडलेल्या आरोपींनी नोटीस बजावली आहे. तसेच, शहरातील ५४४ हॉटेल व लॉज देखील तपासण्यात आले आहेत. बसथांबे, रेल्वे स्थानक, एसटी स्थानक परिसरात तपासणी मोहीम राबविली गेली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.