पीएमपीच्या १५२ बस निवडणुकीच्या कामी, प्रवाशांची काहीशी गैरसोय होणार
पुणे, ता. २४ कसबा व चिंचवड विधानसभा पोटनिवडणुकीसाठी पीएमपी च्या १५२ बसेस वापरल्या जाणार आहे. त्यामुळे शनिवार व रविवारी पीएमपी च्या विविध ,मार्गावरच्या बसेसच्या फेऱ्या रद्द होत आहे. त्याचा परिणाम प्रवासी सेवेवर होणार असून फेऱ्या रद्द मुळे प्रवाशांची गैरसोय होणार आहे.

पीएमपी च्या ताफ्यात सध्या १७२५ बसेस धावत आहे. शनिवार( २५ फेब्रुवारी) व रविवार (२६ फेब्रुवारी) रोजी मतदानाचे साहित्य व कर्मचाऱ्यांची वाहतूक करण्यासाठी पीएमपी च्या बसचा वापर केला जाणार आहे. त्यामुळे त्याचा काही प्रमाणात प्रवासी सेवेवर परिणाम होणार आहे.मात्र त्याची तीव्रता कमी करण्यासाठी पीएमपी आपल्या प्रत्येक डेपोच्या १० बसेस निवडणुकीच्या कामासाठी दिल्या आहेत. प्रत्येक डेपोच्या किमान १०० फेऱ्या रद्द होण्याची शक्यता आहे.