पुणे, ता. १९ : हिंदी भाषा शक्य तितकी सोपी करण्याची गरज आहे. दररोजच्या जीवनात बोलण्यात येणारी आणि पत्रव्यवहारातही तीच हिंदी वापरण्याची गरज आहे, असे प्रतिपादन माजी खासदार अमर साबळे यांनी केले.
राष्ट्रीय उष्णकटिबंधीय हवामान केंद्र (आयआयटीएम), खादी आणि ग्रामोद्योग आयोग (केव्हीआयसी) आणि केंद्रीय मधमाशी संशोधन आणि प्रशिक्षण संस्था (सीबीआरटीआय) यांच्यातर्फे दोन दिवसीय राजभाषा समारंभ आयोजित केला. या कार्यक्रमाच्या उद्घाटनप्रसंगी साबळे बोलत होते.
या वेळी एनसीएलचे संचालक डॉ. आशिष लेले, तसेच आयआयटीएमचे संचालक आर कृष्णन, केव्हीआयसी मुंबईचे राजभाषा विभागाचे उपसंचालक कृष्णपाल सिंग, प्राचार्य बसवराज आदी उपस्थित होते. प्राचार्य बसवराज यांनी पाहुण्यांचे स्वागत केले. कृष्णपाल सिंग यांनी महोत्सवातील सत्रांची माहिती दिली. सहायक संचालक (राजभाषा) विजय कुमार रात्रे यांनी आभार मानले. या दोन दिवसीय राजभाषा समारंभात स्वाती चढ्ढा, विनोद कुमार भारती, रणजित हरणकर, संगीता सिंग यांच्यासह हिंदी अधिकारी आणि कर्मचारी उपस्थित होते.