कल्याणी स्कूल, पीआयसीटी मॉडेलचा फुटबॉलमध्ये धडाका

पुणे, ता. २८ : स्कूलिंपिक स्पर्धेत पाषाणच्या एनसीएल मैदानावर मुलांच्या विभागात मांजरीच्या कल्याणी स्कूलच्या शौर्य आनंद याने ३, आरव नायर २, आदित्य लखोटिया, जय कोरे, आद्यंत भार्गव यांनी प्रत्येकी एक गोल करत न्यू पुणे पब्लिक स्कूल, आकुर्डीवर ८-० अशा मोठ्या फरकाने विजय मिळविला.
पीआयसीटी मॉडेल स्कूल, म्हाळुंगेच्या रणवीर पाटील याने तिसऱ्या मिनिटाला पहिला गोल केला त्यानंतर पार्थ भराडिया याने लगेच चौथ्या मिनिटाला दुसरा गोल केला नंतर दर्श ठक्कर व नील इंदूरकर यांनी प्रत्येकी दोन गोल केले व धडाक्यात झालेली सुरुवात कायम ठेवली. ऋषी दाभोळकर, आदित्य पाटील यांनी प्रत्येकी एक गोल करत पर्लड्रॉप स्कूल, कोंढवा वर ८-० असा सरळ विजय मिळविला. निर्धारित वेळेत दोन्ही संघांचे प्रत्येकी एक गोल झाल्यानंतर टायब्रेकमध्ये टिळक रोड डीईएस सेकंडरी स्कूलच्या वेद भुतकर, परीक्षित राईपुरे, सोहम दिवान, दर्पण अग्निहोत्री यांनी गोल करून रावेतच्या सिटी प्राइड स्कूल वर ५-३ असा विजय मिळविला. निर्धारित वेळेत दोन्ही संघाचे एक एक गोल झाल्यानंतर टाय ब्रेकमध्ये चुरशीच्या झालेल्या सामन्यात अभिषेक विद्यालयमीने एल्प्रो इंटरनॅशनलवर ६-५ ने विजय मिळविला.
मुलींचे सामने धनकवडीतील भारती विद्यापीठाच्या मैदानावर सुरु आहे. बालेवाडीच्या ग्लोबल इंटरनॅशनल स्कूलच्या शर्वरी मानेने हॅट्ट्रीक नोंदवीत नऱ्हेच्या जेएसपीएम ब्लॉसम पब्लिक स्कूलवर ३-० असा रोमहर्षक विजय साकारला. निर्धारित वेळेत दोन्ही संघाना गोल करता न आल्याने पेनल्टी शूटआऊट मध्ये सदाशिव पेठेच्या एसपीएम इंग्लिश स्कूलच्या जुई दाभोलकर व स्वरदा कुलकर्णी यांनी प्रत्येकी एक गोल केला व दौंड च्या पोदार इंटरनॅशनल स्कूलवर २-१ असा विजय मिळविला. दौंडच्या पोदार इंटरनॅशनल स्कूलच्या कादंबरी शिंदेला एकच गोल करता आला. कोथरूडच्या सिटी इंटरनॅशनल स्कूलने कॅम्पच्या अँग्लो उर्दू गर्ल्स हायस्कूलवर पेनल्टी शूटआऊट मध्ये तनया जोशीने केलेल्या एक गोलाच्या जोरावर विजय संपादन केला. युनिव्हर्सिटी रोडच्या एसईएस गुरुकुलने केया तेलंगने केलेल्या एक गोलावर खडकीच्या सेंट जोसेफ कॉन्व्हेंट गर्ल्स स्कूलवर १-० असा विजय मिळविला.

सविस्तर निकाल :
मुले : सिटी इंटरनॅशनल, कोथरूड : २ (शंतनू निखारे ६, हर्षवर्धन क्षीरसागर ३९) विव अँग्लो उर्दू बॉईज, कॅम्प : ०. पीआयसीटी मॉडेल, म्हाळुंगे : ८ (रणवीर पाटील ३, पार्थ भराडिया ४, दर्श ठक्कर ६,२५, नील इंदुलकर १०,१४, ऋषी दाभोळकर २१, आदित्य पाटील ३०) विवि पर्लड्रॉप, कोंढवा : ०. व्हीएनसीपीएस : ४ (आदित्य चोआरे ९, २५, शौर्य जाधव ५, आयुष घुले २४) विवि ऑर्चिड इंटरनॅशनल, आंबेगाव : ०. विखे पाटील मेमोरियल, लोहगाव : ३ (आदित्य रानडे ४, सोहम गाढवे १८, २२) विव मास्टरमाईंड ग्लोबल : ०. कल्याणी, मांजरी : ८ (शौर्य आनंद २, १३, ३८, आरव नायर ३, ७, आदित्य लखोटिया ४, जय कोरे २५, आद्यंत भार्गव २२) विवि न्यू पुणे पब्लिक, आकुर्डी पीसीएमसी : ०.
डीईएस सेकंडरी, टिळक रोड : ५ (वेद भुतकर, परीक्षित, राईपुरे, सोहम दिवान, दर्पण अग्निहोत्री) विवि सिटी प्राइड स्कूल,रावेत : ३ (अर्णव,दिप्तांगशु, आयान). अभिषेक विद्यालयम, चिंचवड : ५ (मिहीर गजबरे, आदित्य कोरशेट्टी, सार्थक लांघे, आदर्श जाधव, प्रथमेश कदम, सुशांत पाचपांडे विवि एल्प्रो इंटरनॅशनल स्कूल, चिंचवड : ४ (घर्व बझाझ ,आहान बक्षी, ईशान पाटील, अगस्त्या मर्कट्या).
मुली : ग्लोबल इंटरनॅशनल, बालेवाडी : ३ (शर्वरी माने ८, १५, २३) विवि जेएसपीएम ब्लॉसम पब्लिक, नऱ्हे :०. सेंट हेलेनाज, कॅम्प : ४ (नुहा रझाक ५, समीरा धोटे १२, ज्ञानदा वाडकर २४, २८) विवि अंजुमन आय इस्लाम पीर मोहम्मद, येरवडा :०. एसपीएम इंग्लिश, सदाशिव पेठ : २ (जुई दाभोळकर, स्वरदा कुलकर्णी) विवि पोदार इंटरनॅशनल, दौंड : १ (कादंबरी शिंदे). सिटी इंटरनॅशनल, कोथरूड : १ (तनया जोशी) विवि अँग्लो उर्दू गर्ल्स हायस्कूल, कॅम्प :०. एसईएस गुरुकुल, युनिव्हर्सिटी रोड : १ (केया तेलंग ४) विवि सेंट जोसेफ कॉन्व्हेंट गर्ल्स, खडकी : ०. अभिनव विद्यालय इंग्लिश मीडियम स्कूल : २ (वैदेही जोशी ९, मैत्रेयी मनोहर २२) विवि ज्योती इंग्लिश स्कूल : ०.
-----