पुणे, ता. ३ ः जेएसपीएम विद्यापीठामध्ये नुकतीच ‘बौद्धिक संपदा अधिकार आणि पेटंट डिझाइन फाइलिंग’ या विषयावर एक दिवसीय कार्यशाळेचे आयोजन करण्यात आले होते. विद्यापीठाच्या स्कूल ऑफ फार्मास्युटिकल सायन्सेस आणि नागरूर येथील राष्ट्रीय बौद्धिक संपदा व्यवस्थापन संस्थेच्या सहकार्याने ही कार्यशाळा पार पडली.
कार्यशाळेला पूजा माऊलीकर या प्रमुख वक्ता म्हणून, तर सहयोगी प्राध्यापक डॉ. ऐश्वर्यादेवी देशमुख, डॉ. श्रीविद्या रवी आदी यावेळी उपस्थित होते. भारतातील बौद्धिक संपदा प्रक्रिया आणि कायदेशीर पैलूंवर माऊलीकर यांनी मार्गदर्शन केले. पाचशेहून अधिक विद्यार्थ्यांनी कार्यशाळेला हजेरी लावली. यावेळी आरोग्य विज्ञान विद्या शाखेचे अधिष्ठाता डॉ. एस. बी. वानखेडे, संस्थापक सचिव डॉ. टी. जे. सावंत, अध्यक्ष डॉ. आर. एस. जोशी आणि कुलगुरू डॉ. बी. बी. आहुजा यांनीही मार्गदर्शन केले.