नवी दिल्ली, ता. ३, वृत्तसंस्था ः दिल्ली परिसराला शुक्रवारी रात्री भूकंपाने हादरा दिला, मात्र मिळालेल्या माहितीनुसार यात कोणतीही जीवितहानी झाली नाही. नेपाळमध्ये ६.४ तीव्रतेच्या भूकंपाचा धक्का बसला. दिल्ली, नोईडा आणि गुरुग्राम आणि बिहारसह उत्तर भारतातही भूकंपाचे धक्के जाणवले. भूकंपाचा केंद्रबिंदू नेपाळमध्ये १० किलोमीटर खोलीवर होता. दिल्ली आणि राष्ट्रीय राजधानी क्षेत्रामधील (एनसीआर) लोकांना भूकंपाचे जोरदार धक्के जाणवले आणि त्यांनी घराबाहेर धाव घेतली. नेपाळमध्ये एका महिन्यात तिसऱ्यांदा भूकंपाचे धक्के बसले आहेत.