पुणे, ता. १० ः श्रीमंत दगडूशेठ हलवाई सार्वजनिक गणपती ट्रस्ट, सुवर्णयुग तरुण मंडळातर्फे मोफत आरोग्य शिबिराचे आयोजन करण्यात आले होते. जय गणेश रुग्णसेवा अभियानांतर्गत हा उपक्रम पार पडला. शिबिरात ८५७ जणांची मोफत तपासणी करण्यात आली.
या शिबीराचे उद्‍घाटन अतिरिक्त पोलिस आयुक्त राजेंद्र डहाळे व पुणे महापालिका आरोग्यप्रमुख डॉ. भगवान पवार यांच्या हस्ते झाले. आरोग्य शिबिरात डोळ्यांची तपासणी, चष्मा वाटप, विविध रक्त तपासण्या, फिजिओथेरपी, कर्करोग उपचाराविषयी सल्ला, हाडांची घनता तपासणी, हृदयाचा ईसीजी आदी तपासण्या करण्यात आल्या. या प्रसंगी येरवडा कारागृहाचे मानसोपचार तज्ज्ञ डॉ. संदीप महामुनी, ससून रुग्णालयाचे डॉ. गिरीश बारटक्के, प्रादेशिक मनोरुग्णालय येरवडाचे डॉ. शिवाजी शिंदे, डॉ. महादेव गिरी, दगडूशेठ गणपती ट्रस्टचे अध्यक्ष माणिक चव्हाण, कोषाध्यक्ष महेश सूर्यवंशी, सरचिटणीस हेमंत रासने आदी उपस्थित होते.