पुणे, ता. २२ : प्राध्यापक पदासाठीची राज्यस्तरीय पात्रता परीक्षेची (सेट) प्राथमिक उत्तरतालिका सोमवारी (ता. २४) जाहीर करण्यात येणार आहे. सावित्रीबाई फुले पुणे विद्यापीठाच्यावतीने महाराष्ट्र आणि गोव्यातील २६५ परीक्षा केंद्रावर २६ मार्च २०२३ ला सेट परीक्षा घेण्यात आली होती. विद्यापीठाच्यावतीने उत्तरतालिका आणि प्रश्नपत्रिकेबाबत तक्रारीही मागविल्या आहेत. उमेदवारांना ३ मे २०२३ पर्यंत तक्रार नोंदविता येणार आहे. त्यानंतर विद्यापीठ अनुदान आयोगाच्या परवानगीने अंतिम उत्तरतालिका जाहीर करण्यात येणार आहे. अधिक माहितीसाठी https://setexam.unipune.ac.in/ या संकेतस्थळाला भेट द्यावी असे आवाहन केले आहे.