पुणे, ता. २ : प्रोग्रेसिव्ह एज्युकेशन सोसायटीच्या मॉडर्न विधी महाविद्यालयात ‘बुक रीडिंग क्लब’ची स्थापना करण्यात आली आहे. या क्लबचे उद्‌घाटन सोसायटीचे उपसचिव प्रकाश दीक्षित यांच्या उपस्थितीत झाले. व्यक्तिमत्त्व विकासासाठी वाचन करण्याचे महत्त्व त्यांनी या वेळी विद्यार्थ्यांना समजावून सांगितले. सोसायटीचे कार्याध्यक्ष डॉ. गजानन एकबोटे, समन्वयक डॉ. चिंतामणी घाटे, प्राचार्या डॉ.अनन्या बिबवे यांच्या मार्गदर्शनाखाली या क्लबची स्थापना करण्यात आली आहे. याप्रसंगी महाविद्यालयाच्या उपप्राचार्या डॉ. शिवांजली भोईटे, शिक्षक-शिक्षकेत्तर कर्मचारी आणि विद्यार्थी मोठ्या संख्येने उपस्थित होते. ग्रंथपाल डॉ. सुनीता माने, सहप्राध्यापक डॉ. दीप्ती भार्गव यांनी कार्यक्रमाचे नियोजन केले.