पुणे, ता. २ ः सनातन संस्थेचे संस्थापक सच्चिदानंद परब्रह्म डॉ. जयंत आठवले यांच्या ८१ व्या जन्मोत्सवानिमित्त संपूर्ण देशात ‘हिंदु राष्ट्र-जागृती अभियान’ राबवण्यात येत आहे. या जन्मोत्सवाचे औचित्य साधून पुणे जिल्ह्यातील एकूण ३५ पेक्षा अधिक मंदिराची स्वच्छता करण्यात आली. तसेच ‘हिंदु राष्ट्र-जागृती अभियान’अंतर्गत मंदिर स्वच्छता मोहीम सुरू करण्यात आली आहे. हिंदू धर्मात मंदिरांना महत्त्वाचे स्थान आहे. मंदिरे ही सात्त्विकतेची स्रोतच आहेत. या वेळी मंदिराचा आणि इतर परिसराची स्वच्छता करण्यात आली.