पुणे, ता. २ ः मूळव्याधदिनानिमित्त नागरिकांना मुळव्याधीपासून मुक्त करण्याचे ध्येय लक्षात घेऊन अथर्व हॉस्पिटलतर्फे १ ते १० मे दरम्यान कॅंपमधील छत्रपती शिवाजी महाराज मार्केट येथे मूळव्याध महाशिबीराचे आयोजन करण्यात आले आहे.
यात सर्वसामान्यांची मोफत मूळव्याध तपासणी होईल. ज्यांना शस्त्रक्रियेची गरज आहे, त्यांना त्या खर्चात सवलत दिली जाणार आहे, अशी माहिती पाइल्स सर्जन डॉ. संदीप अगरवाल यांनी दिली. ते म्हणाले, ‘‘बायोलॉजिकल इलेक्ट्रिकल इम्पेडन्स ऑटो मेझरमेंट तंत्रज्ञानाने सध्या मूळव्याधीवरील उपचार सोपा झालेला आहे. त्याच्या साहाय्याने ही शस्त्रक्रिया बिन टाक्यांची, कोणत्याही प्रकारची चिरफाड न करता १० ते १५ मिनिटांत होऊ शकते. त्यामुळे रुग्णाला हॉस्पिटलमध्ये राहावे लागत नाही आणि त्याचदिवशीच घरी जाता येते.’’