पुणे, ता. २९ : अखिल भारतीय नेत्रतज्ज्ञ संघटनेच्या शास्त्रीय समितीवर पुण्यातील नेत्रतज्ज्ञ डॉ. वर्धमान कांकरिया यांची निवड करण्यात आली आहे. भारतातील नेत्रतज्ज्ञांसाठी सर्वांत महत्त्वपूर्ण मानल्या जाणाऱ्या या संघटनेचे वार्षिक राष्ट्रीय अधिवेशन केरळमधील कोची येथे नुकतेच पार पडले. यात ही निवड घोषित करण्यात आली. देशभरात कार्यरत या संघटनेत २७ हजार नेत्रतज्ज्ञ असून, या समितीवर डॉ. कांकरिया यांच्यासह देशभरातून सात नेत्रतज्ज्ञांची निवड करण्यात आली आहे.