पुणे, ता. ८ ः ‘कोकणस्थ परिवार, पुणे’ यांच्यातर्फे संस्थेचे संस्थापक आणि ज्येष्ठ क्रीडा संघटक दीनानाथ केशव ऊर्फ भाई नेवरेकर यांच्यावर आधारित सुनिल नेवरेकर संपादित ‘आठवणीतले भाई’ या पुस्तकाचे प्रकाशन खासदार श्रीनिवास पाटील यांच्या हस्ते नुकतेच झाले. या प्रसंगी आमदार रवींद्र धंगेकर, माजी महापौर अंकुश काकडे, रवींद्र माळवदकर, ज्येष्ठ पत्रकार रमेश डोईफोडे, प्रकाश रेणुसे, अॅड. विजय सावंत आदी उपस्थित होते. श्रीनिवास पाटील म्हणाले, ‘‘नेवरेकर हेल्थ होम या हॉटेलच्या माध्यमातून भाई नेवरेकरांचा अनेक माणसांशी संपर्क आला. त्यातील प्रत्येक कर्तृत्ववान माणसाचे गुण भाईंनी हेरले आणि त्यांना प्रोत्साहित करण्याचे काम केले.’’ या वेळी पाटील यांच्या हस्ते पंडित वसंतराव गाडगीळ, प्रफुल्ल कुलकर्णी, गणेश निकम, सुभाष पेडणेकर, वरिष्ठ पोलिस निरीक्षक विपिन हसबनीस यांचा सत्कार करण्यात आला. विशाल पाटील, नरेश पेडणेकर यांनी स्वागत केले. पराग गानू यांनी प्रास्ताविक केले. संजय गोखले यांनी सूत्रसंचालन केले. सोनिया नेवरेकर यांनी आभार मानले.