पुणे, ता. १० : श्रीमंत दगडूशेठ हलवाई सार्वजनिक गणपती ट्रस्ट, सुवर्णयुग तरुण मंडळातर्फे जय गणेश रुग्णसेवा अभियानांतर्गत मोफत आरोग्य शिबिराचे आयोजन करण्यात आले. यामध्ये विविध शाळांमधील विद्यार्थी, देवदासी महिला यांसह एकूण ९३६ नागरिकांची मोफत तपासणी करण्यात आली.

लक्ष्मीबाई दगडूशेठ हलवाई दत्तमंदिरासमोर झालेल्या शिबिराच्या उद्‍घाटनप्रसंगी महाराष्ट्र राज्य आरोग्य सहसंचालक डॉ. रामजी आडकेकर, ट्रस्टचे अध्यक्ष माणिक चव्हाण, उपाध्यक्ष सुनील रासने, कोषाध्यक्ष महेश सूर्यवंशी, सहचिटणीस अमोल केदारी, उत्सव प्रमुख अक्षय गोडसे, सुवर्णयुग तरुण मंडळ अध्यक्ष प्रकाश चव्हाण, सौरभ रायकर आणि राजा घोडके यांसह पदाधिकारी या वेळी उपस्थित होते. ट्रस्टचे आरोग्य समन्वयक राजेंद्र परदेशी, पराग बंगाळे आणि सहकाऱ्यांनी शिबिराच्या नियोजनात सक्रिय सहभाग घेतला. आरोग्य शिबिरात नू. म. वि. प्राथमिक शाळा, आदर्श विद्यालय प्राथमिक शाळा, गोपाळ हायस्कूल आदी शाळांमधील विद्यार्थ्यांची तपासणी करण्यात आली.