पुणे, ता. ३१ : आंतर भारती पुणे शाखेच्या वतीने मणिपूरमध्ये झालेल्या घटनेसंदर्भात निषेध सभा आयोजित केली होती. मणिपूरमध्ये महिलांवर अत्याचार करण्यात आले. या घटनेला जमातींमधील वैमनस्य तर आहेच मात्र आर्थिक, राजकीय पैलू देखील आहेत. स्वतःच्या राजकीय फायद्यासाठी दोन जमातींमध्ये वैरभावास खतपाणी घालणारे आणि घडलेल्या घटनेवर ताबडतोब योग्य कारवाई न करणाऱ्या सरकारचा निषेध करण्यात आला. स्त्रियांवर अत्याचार करणाऱ्या पुरुषी मानसिकतेचाही निषेध करण्यात आला. या सभेमध्ये आंतर भारतीचे राष्ट्रीय सचिव डॉ. डी. एस. कोरे, अखिल भारतीय मराठी साहित्य संमेलनाचे अध्यक्ष लक्ष्मीकांत देशमुख, अंजली कुलकर्णी, राम माने, निवृत्त न्यायाधीश जी. डी. पारेख, प्रा प्रकाश चौधरी, हितेंद्र चौधरी, स्वाती दाढे, सविता कुरुंदवाडे उपस्थित होते.