पुणे, ता. ३१ : पंतप्रधान नरेंद्र मोदी यांच्या दौऱ्यादरम्यान आंदोलन करण्याचा इशारा दिलेल्या कॉंग्रेस, राष्ट्रवादी कॉंग्रेस आणि युक्रांदच्या अनेक कार्यकर्त्यांना शहर पोलिसांनी सोमवारी (ता. ३१) रात्री प्रतिबंधात्मक नोटीसा दिल्या.
कॉँग्रेसचे प्रदेश उपाध्यक्ष मोहन जोशी, राष्ट्रवादी कॉंग्रेसचे शहराध्यक्ष प्रशांत जगताप, युक्रांदचे शहराध्यक्ष सचिन पांडुळे, सहकार्यवाह अप्पा अनारसे आदींना नोटीसा बजावण्यात आल्या आहेत. दरम्यान, पोलिसांनी दमबाजी केली असली तर, महाविकास आघाडीकडून मंगळवारी (ता.१) आंदोलन होणार आहे, असे जगताप यांनी स्पष्ट केले. तर, ‘युक्रांद’चे अध्यक्ष डॉ. कुमार सप्तर्षी यांनीही कार्यकर्ते मोदींच्या विरोधात आंदोलन करणार आहेत, असे त्यांनी स्पष्ट केले.
-----------