पुणे, ता. १८ ः मोफत उपचारांचा रुग्ण हक्क संरक्षण कायदा करण्याच्या मागणीसाठी रुग्ण हक्क परिषदेने शुक्रवारी नामदार गोपाळ कृष्ण गोखले चौकात रास्ता रोको आंदोलन केले. याचे नेतृत्व परिषदेचे संस्थापक उमेश चव्हाण यांनी केले. अन्न सुरक्षा कायद्याच्या धर्तीवर महागड्या औषधांच्या किमतीवर नियंत्रण ठेवण्यासाठी औषध सुरक्षा कायदासुद्धा झाला पाहिजे. तसेच, सर्व रुग्णांना मोफत उपचार मिळाले पाहिजे, यासाठी रुग्ण हक्क संरक्षण कायद्याची गरज आता निर्माण झाली आहे. या कायद्यांच्या मागणीसाठी राज्यभर आंदोलने करण्यात येतील, असेही चव्हाण यांनी सांगितले.