पुणे, ता. २१ : फोटोग्राफीच्या विविध प्रकारांमध्ये ‘प्रॉडक्ट फोटोग्राफी’ हा एक विशेष प्रकार आहे, ज्याला सध्या व्यावसायिक व उद्योजकांकडून मागणी आहे. याबाबत मार्गदर्शन करणारे चार दिवसांचे प्रशिक्षण २३, २४ व ३०, ३१ ऑगस्ट रोजी आयोजिले आहे. यामध्ये प्रॉडक्ट फोटोग्राफीचे १७ हून अधिक साधने व तंत्र, पाचहून अधिक कौशल्ये याबाबत प्रात्यक्षिकांसहित मार्गदर्शन होणार आहे. प्रशिक्षण पूर्ण झाल्यास प्रमाणपत्र मिळेल. दोन दिवसांचे क्लासरूम प्रशिक्षण व दोन दिवसांचे प्रात्यक्षिक व एडिटिंग असे प्रशिक्षणाचे स्वरूप आहे. प्रतिव्यक्ती शुल्क ७००० रुपये.

दूध प्रक्रिया लघुउद्योग
दुधावर प्रक्रिया करून तयार केलेल्या पदार्थांना भरपूर मागणी असते. दूध तसेच दुग्धजन्य पदार्थांचा स्वतःचा स्टार्ट-अप सुरु करण्याच्या विचार असणाऱ्यांसाठी प्रमाणपत्र प्रशिक्षण शनिवारी (ता. २६) व रविवारी (ता. २७) आयोजिले आहे. दूध प्रक्रिया उद्योगातील संधी, दूध संकलन, दुधाची साठवण, पाश्‍चरायझेशन, होमोजिनाईजेशन, प्रिझर्व्हेशन, क्रिम सेपरेशन, दुधापासून खवा, पेढा, पनीर, लस्सी, दही इ. पदार्थांची कृती, प्रात्यक्षिक, यंत्रसामग्री, प्रकल्प आराखडा, प्रॉडक्‍ट मार्केटिंग इ.विषयी प्रशिक्षणात मार्गदर्शन होणार आहे. प्रशिक्षणात खवा, पनीर, लस्सी, दही इ.पदार्थ प्रात्यक्षिकाद्वारे तयार करण्यास शिकवले जातील. यशस्वी दूध प्रक्रिया उद्योजक यामध्ये अनुभव सांगणार आहेत. प्रतिव्यक्ती शुल्क चार हजार ५०० रुपये. गुरुवारपर्यंत (ता. २४) नोंदणी केल्यास ५०० रुपये सवलत मिळेल.
संपर्क ः ९१४६०३८०३१, ८९५६३४४४७२
ठिकाण ः सकाळ मीडिया सेंटर, सकाळनगर, गेट क्र. १, बाणेर रस्ता, औंध, पुणे