पुणे, ता. ३१ : उच्च व तंत्र शिक्षण विभागाने मराठी भाषा विद्यापीठ स्थापनेसाठी केलेल्या समितीचा विस्तार केला आहे. या समितीत आणखी सात सदस्यांचा समावेश केला आहे.
मराठी भाषा विद्यापीठ स्थापनेच्या अनुषंगाने उच्च शिक्षण व तंत्र शिक्षण विभागाने ११ जुलै २०२३ रोजी समिती स्थापन केली. या समितीचा विस्तार करण्यात आला आहे. या समितीत आता डॉ. रमेश वरखेडे (नाशिक), डॉ. दिलीप धोंडगे (सटाणा), डॉ. केशव देशमुख (नांदेड), डॉ. रूपाली शिंदे (पुणे), डॉ. अविनाश आवळगावकर (पुणे), महंत कारंजेकर बाबा (अमरावती), डॉ. छाया महाजन (औरंगाबाद) यांचा सदस्य म्हणून समावेश केला आहे. मराठी भाषा विद्यापीठ स्थापनेसाठी केलेल्या समितीने विद्यापीठ स्थापनेसाठी योग्य वाटतील, अशा बाबींसाठी विविध तज्ञ व्यक्ती आणि संस्थांची विचारविनियम करून सर्व समावेशक तपशील दोन महिन्यांत राज्य सरकारला सादर करायचा आहे, असे उच्च व तंत्र शिक्षण विभागाचे उपसचिव अ. म. बाविस्कर यांनी अध्यादेशात नमूद केले आहे.