Nanasaheb Parulekar Jayanti 2023

पुणे : सकाळचे संस्थापक संपादक डॉ. नानासाहेब परूळेकर यांच्या १२६ व्या जयंतीनिमित्त निसर्गवेड्यांशी एका अनोख्या संवादाचे आयोजन करण्यात आले आहे. जल, जंगल आणि गिरीशिखरे या विषयावर बुधवारी (ता.२०) सायंकाळी पाच वाजता बालगंधर्व रंगमंदिर येथे ही मुलाखत रंगणार आहे. त्यामुळे आजच मोबाईलमध्ये बुधवारची संध्याकाळ ही ‘सेव्ह द डेट’ म्हणून निश्चित करा. (Nanasaheb Parulekar 2023 Awards Pune)

परुळेकर जयंतीनिमित्त होणाऱ्या या कार्यक्रमात पक्षीतज्ज्ञ किरण पुरंदरे, निसर्ग अभ्यासक भाऊ काटदरे, गिर्यारोहक उमेश झिरपे संवाद साधणार आहे. निसर्गाच्या सानिध्यातील त्यांचे रोमांचकारी अनूभव आणि निसर्ग संवर्धनाचा अनोखा प्रवास यावेळी उलगडेल. या कार्यक्रमात स्वातंत्र्यसैनिक आणि पत्रकार (कै.) ना. अ. पेंडसे पुरस्कृत डॉ. नानासाहेब परुळेकर स्मृती पुरस्कारांचे वितरण होईल. हा कार्यक्रम बालगंधर्व रंगमंदिरात होईल. नागरिकांनी या कार्यक्रमास मोठ्या संख्येने उपस्थित राहावे, असे आवाहन ‘सकाळ माध्यम समूहा’तर्फे करण्यात आले आहे.