पुणे, ता. ३१ ः मधुमेही रुग्णाला पायाला होणाऱ्या जखमा भयंकर असतात. त्यासाठी मधुमेहींनी पायाची काळजी घेतली पाहिजे. तसेच, त्यासाठी प्रतिबंधक उपचार, निदान, उपचाराची अद्ययावत माहितीसाठी येत्या रविवारी (ता. २) परिषद आयोजित केली आहे, परिषदेच्या आयोजक अध्यक्षा डॉ. आरती शहाडे यांनी दिली.
त्या म्हणाल्या, ‘‘पावले सुरक्षित तर मधुमेहा जीवन सुरक्षित, या संकल्पनेवर आधारित ही परिषद आहे. वीस वर्षांनंतर ही प्रथम ही परिषद पुण्यात होणार आहे. मधुमेहामुळे पायांच्या रक्तवाहिन्या अरुंद होण्याचा धोका असतो. अशा वेळी पायाच्या जखमा जास्त चिघळू शकतात. ‘डायबेटिक फूट सोसायटी ऑफ इंडिया‘ (डीएफएसआय) या क्षेत्रात गेल्या अनेक वर्षांपासून कार्यरत आहे. वैद्यकीय तज्ज्ञ, शल्यचिकित्सक, अस्तिरोगतज्ज्ञ, मधुमेहतज्ज्ञ, प्लास्टिक सर्जन, व्हास्कुलर सर्जन अशा विविध तज्ज्ञ ‘डीएफएसआय‘च्या परिषदेमध्ये सहभागी होणार आहेत. तसेच, या परिषदेत १२५ पेक्षा जास्त परिचारिकांनाही प्रशिक्षण देण्यात येणार आहे.‘‘