पुणे, ता. १६ ः कांजीवरम सिल्क साडी, चंदेरी फॅब्रिक, मुगा सिल्क, बांधणी, कोसा सिल्क, बालुचारी सिल्क साडी, कलमकारी साडी, बनारसी सिल्क साडी, पोचमपल्ली साडी, बोमकाई अशा विविध प्रकारच्या साड्या आणि देशाच्या विविध भागांतील ७० विणकरांचा सहभाग असलेले हामाग बाजार प्रदर्शन येत्या रविवारपर्यंत (ता. १८) पुणेकरांसाठी खुले आहे.
या प्रदर्शनात १९ राज्यांतून कापड आणि हातमाग निवडले आहेत. त्यांची विविध उत्पादनेही येथे आहेत. दस्तकारी हाट हातमाग बाजाराने हे प्रदर्शन आयोजित केले आहे. हातमागाचा प्रसार आणि प्रचार करणे हे या प्रदर्शनाचे उद्दिष्ट आहे. माझा हातमाग, माझा अभिमानतंर्गत प्रदर्शनासाठी अस्सल उत्पादने पुणेकरांना पहाता येतील आणि त्यांची खरेदीही करता येईल. कर्वे रस्त्यावर आयुर्वेद रसशाळेजवळील सोनल हॉल येथे सकाळी १०. ३० ते रात्री ९ दरम्यान हे प्रदर्शन खुले आहे.