विद्यापीठातील प्रदर्शन आज बंद
पुणे, ता. १८ ः जी-२० परिषदेच्या बैठकीच्या पार्श्वभूमीवर सावित्रीबाई फुले पुणे विद्यापीठात भरविण्यात आलेले शैक्षणिक प्रदर्शन सोमवारी (ता.१९) बंद राहील. विविध देशांतील प्रतिनिधी विद्यापीठात येणार असल्याने सुरक्षेच्यादृष्टीने हा निर्णय घेण्यात आला आहे. शनिवारी आणि रविवारी पुणेकरांनी प्रदर्शनाला चांगला प्रतिसाद दिला. मंगळवारपासून (ता. २०) गुरुवारपर्यंत (ता. २२) ‘पायाभूत साक्षरता आणि संख्याशास्त्र’ हे प्रदर्शन खुले असेल, अशी माहिती संयोजन समितीचे समन्वयक राजेश पांडे यांनी दिली.
-----