पुणे, ता. १९ : विधानसभा निवडणुकीसाठी जिल्ह्यातील २१ विधानसभाकरीता ११ हजार ४२१ बॅलेट युनिट, तर प्रत्येकी ८ हजार ४६२ कंट्रोल युनिट तसेच, व्हीव्हीपॅटचे वितरण जिल्हा प्रशासनाकडून मंगळवारी (ता. १९) करण्यात आले आहेत, अशी माहिती जिल्हाधिकारी तथा जिल्हा निवडणूक अधिकारी डॉ. सुहास दिवसे यांनी दिली.
मतदान केंद्रनिहाय टेबलची व्यवस्था करण्यात आली होती. साहित्य घेण्यासाठी येणाऱ्या कर्मचाऱ्यांच्या सोयीसाठी दर्शनी भागातील फलकाद्वारे माहिती देण्यात आली. साहित्य वितरण केंद्रांवर पोलिस बंदोबस्त ठेवण्यात आला होता. मतदान कर्मचाऱ्यांना या वेळी निवडणूक निर्णय अधिकारी तसेच, सहाय्यक निवडणूक निर्णय अधिकाऱ्यांनी मार्गदर्शन केले. साहित्य ताब्यात घेतल्यानंतर मतदान केंद्रांपर्यंत जाण्यासाठी वाहनांची व्यवस्था करण्यात आली होती.