शिवगंगा घोळवे यांचे निधन
पुणे, ता. २९ ः वारकरी संप्रदायाच्या उपासक शिवगंगा मदनराव घोळवे (वय ८६) यांचे नुकतेच अल्पशा आजाराने निधन झाले. त्या मूळच्या सोनारवाडी (ता. कळंब, जि. उस्मानाबाद) येथील रहिवासी होत्या. त्यांच्या पश्चात पती मदनराव, बंधू महादेवराव, पोपटराव, अनंतराव तसेच पुत्र गोविंद असा परिवार आहे. गोविंद घोळवे वरिष्ठ पत्रकार असून गेली २० वर्षे श्री क्षेत्र भगवानगड ट्रस्टचे सचिव म्हणून ते कार्यरत आहेत. शिवसेना उद्धव बाळासाहेब ठाकरे पक्षाचे ते राज्य संघटकही आहेत. महाराष्ट्र राज्य मराठी पत्रकार संघाचे अध्यक्षपदही त्यांनी भूषविले आहे. श्री क्षेत्र भगवानगडाचे महंत न्यायाचार्य डॉ. नामदेवशास्त्री सानप महाराज यांनी श्री. गोविंद घोळवे यांच्या पिंपरी-चिंचवड येथील निवासस्थानी भेट देऊन त्यांचे सांत्वन केले.
-----