पुणे, ता. ३ : इंटरनॅशनल असोसिएशन फॉर परफॉर्मिंग आर्टस अँड रिसर्च (आयपार) या संस्थेतर्फे आयोजित ‘आयपार इंटरनॅशनल थिएटर फेस्टिव्हल’ यंदा १० ते १५ डिसेंबर या कालावधीत आयोजित करण्यात आला आहे. या महोत्सवाचे यंदा नववे वर्ष आहे, अशी माहिती महोत्सवाचे संचालक विद्यानिधी वनारसे (प्रसाद) यांनी दिली. हा महोत्सव श्रीराम लागू रंग-अवकाश आणि कलाछाया सांस्कृतिक केंद्र येथे होणार असून महोत्सवाच्या माध्यमातून भारतीय संस्कृती आणि अन्य संस्कृतींमध्ये संवाद घडवण्याचा; त्याद्वारे आंतरराष्ट्रीय पातळीवर रंगकर्मींमध्ये संवाद घडवण्याचा प्रयत्न आहे. यंदाच्या महोत्सवात भारतासह इटली, नेदरलँड्स आणि टर्की या देशांमधले नाट्यप्रयोग सादर होणार आहेत. तसेच, विविध कार्यशाळा, नाट्यवाचन सत्रे, चर्चासत्रे, स्थानिक छोटेखानी प्रयोग आदी कार्यक्रम होणार आहेत.