पुणे, ता. ११ : कोथरूडमधील स्वप्नशिल्प गृहरचनेच्या तळमजल्यावर असलेली दोन रोहित्रे गुरुवारी (ता. १२) अखेर हलविण्यात आली. यामुळे सोसायटीधारकांनी केलेल्या पाठपुराव्याला १४ वर्षानंतर यश आले आहे.
सोसायटीच्या तळमजल्यावर ही दोन्ही रोहित्रे होती. ती हलविण्यात यावी, यासाठी सोसायटीधारकांकडून पाठपुरावा सुरू होता. दिल्ली येथील उपहार सिनेमागृहातील दुर्घटनेनंतर तळमजल्यावर अशा प्रकारे रोहित्र बसविणे अथवा बसविण्यात आलेले रोहित्र हलविता येणार नाही, असा निकाल सर्वोच्च न्यायालयाने दिला होता. त्यामुळे पाठपुरावा करूनही सोसाटीधारकांना यश येत नव्हते. गुरुवारी अखेर दोन्ही रोहित्रे हलवून इमारतीच्या समोरील बाजूस स्थलांतरित करण्याच्या कामास सुरुवात झाली, अशी माहिती सोसायटीचे अध्यक्ष जयंत भोसेकर आणि विनय चितळे यांनी ‘सकाळ’शी बोलताना दिली. या कामासाठी माजी मंत्री चंद्रकांत पाटील यांनी निधी उपलब्ध करून दिला असल्याचेही ते म्हणाले.