पुणे, ता. १७ ः भारतीय विचार साधना प्रकाशनाच्या ‘डॉ. बाबासाहेब आंबेडकर आणि जोगेंद्रनाथ मंडल’, ‘भारतीय रत्ने’ आणि ‘हुतात्मा रामप्रसाद बिस्मिल’ या तीन पुस्तकांचे प्रकाशन पुणे पुस्तक महोत्सवात झाले. याप्रसंगी सावित्रीबाई फुले पुणे विद्यापीठाचे प्र-कुलगुरू डॉ. पराग काळकर, भारतीय विचार साधनाचे अध्यक्ष डॉ. गिरीश आफळे, कार्यवाह काशिनाथ देवधर उपस्थित होते. मकरंद ढवळे यांनी ‘डॉ. बाबासाहेब आंबेडकर आणि जोगेंद्रनाथ मंडल’ या पुस्तकाविषयी माहिती दिली. ‘हुतात्मा रामप्रसाद बिस्मिल’ या पुस्तकाचे अनुवादक नारायण कुलकर्णी यांनी मनोगत व्यक्त केले. यावेळी भारतीय विचार साधनाच्या संकेतस्थळाचे उद्‍घाटनही डॉ. काळकर यांच्या हस्ते झाले. सूत्रसंचालन चैताली पिंगळे यांनी केले.