पुणे, ता. ३ : सिंहगड रस्त्यावरील डॉ. दुधभाते नेत्रालय आणि रेटिना सेंटर यांच्यातर्फे मोफत नेत्रचिकित्सा सेवा देण्यात आली. माणिक बाग, मार्केट यार्ड, दिवेघाट आणि उरुळी कांचन या वारीच्या मार्गावर रुग्णालयाच्या फिरत्या दवाखान्यात म्हणजे नेत्र वैद्यकीय सुसज्ज व्हॅनमध्ये मोफत डोळे तपासणी करण्यात आली. यामध्ये डोळ्यांचे जुजबी आजार चष्म्याचा नंबर याचे वाटप करण्यात आले. डॉ. दुधभाते नेत्रालयातील डॉ. स्नेहल मानपुत्र, सुरेश शर्मा, सारिका भोसले, वरदा कुलकर्णी, वैष्णवी देशमुख, रोहन चौगुले, अंकित शुक्ला, मंगेश दरेकर, निकिता भंडारी, अनुराधा कुटे, तन्मय करंजकर, किसन सोनवणे सर्व कर्मचाऱ्यांनी नेत्रचिकित्सा शिबिरात सहभागी झाले होते. यावेळी अर्चना पाटील, अमर देसाई, आणि युवराज पाटील हे सर्व उपस्थित होते.