पुणे, ता. ११ : ‘‘रोजच्या धावपळीच्या आयुष्यातल्या अडचणी, येणारे नकारात्मक विचार, सतत मानसिक त्रास यांमुळे शांत आणि संतुष्ट जीवन कधीच जगू शकत नाही, असे वाटत असेल तर संपूर्ण मनःशांती प्राप्त करण्याचा सोप्पा, सरळ मार्ग म्हणजे ‘आत्मज्ञानाची गुरुकिल्ली’ हा होय,’’ असा सल्ला तेजज्ञान फाउंडेशनचे संस्थापक व वक्ते सरश्री यांनी दिला. तेजज्ञान फाउंडेशनतर्फे सिंहगड रस्ता येथील मनन आश्रमात आयोजित ‘ध्यान’ शिबिरात ते बोलत होते. सरश्री म्हणाले, ‘‘ध्यानातून मानसिक स्वास्थ्य चांगले राहते. त्यामुळे रोज ध्यान करायला हवे.’’ शिबिरात सदाफुली वनस्पतीच्या हजारो बियांचे सर्वांना वाटप करण्यात आले. या वेळी सरश्री यांनी सलग १५ दिवस ध्यानस्थ बसण्यासाठी प्रत्येकाला आवाहन केले आहे.