पुणे, ता. ३ : प्रवाशांची वाढती गर्दी लक्षात घेता रेल्वे प्रशासनाने हडपसर ते वीरांगना लक्ष्मीबाई झाशी दरम्यान उत्सव विशेष रेल्वे सुरू करण्याचा निर्णय घेतला आहे. हडपसर ते झाशीदरम्यान १८ फेऱ्या होणार असून, रविवारपासून (ता. ६) सेवेला सुरुवात होणार आहे.
हडपसर-वीरांगना लक्ष्मीबाई झाशी (गाडी क्रमांक०१९२३) ही रेल्वे हडपसर येथून ६ ऑक्टोबर ते १ डिसेंबर दरम्यान धावेल. हडपसरहून दर रविवारी सायंकाळी ७ वाजून १० मिनिटांनी गाडी सुटेल. झाशीला पुढच्या दिवशी मध्यरात्री १ वाजून ३० मिनिटांनी पोहोचेल. तर वीरांगना लक्ष्मीबाई झाशी (गाडी क्रमांक ०१९२४) ही झाशीहून दर शनिवारी सायंकाळी ७ वाजून ४० मिनिटांनी सुटेल. हडपसरला दुसऱ्या दिवशी सकाळी ६ वाजून ३० मिनिटांनी पोहोचेल. ५ ऑक्टोबर ते ३० नोव्हेंबरदरम्यान ही सेवा असणार आहे. दौंड कॉर्डलाइन, अहमदनगर, कोपरगाव, मनमाड, भुसावळ, खांडवा, इटारसी, भोपाळ आणि बीना आदी स्थानकांवर या गाडीला थांबा देण्यात आला आहे.