पुणे, ता. ५ : आशिया खंडामध्ये क्रमांक एकची पतसंस्था असलेल्या बुलडाणा अर्बन बँकेने आपल्या सभासदांना २०२३-२४ या आर्थिक वर्षासाठी ११ टक्के लाभांश देण्याचे जाहीर केले आहे. ‘मल्टीस्टेट’चा दर्जा प्राप्त असलेली ही संस्था महाराष्ट्रासह इतर आठ राज्यांत कार्यरत असून, त्यांनी एकूण २२ हजार ४०० कोटी रुपयांचा व्यवसायाचा टप्पा पार केलेला आहे.
बुलडाणा अर्बनचे संस्थापक अध्यक्ष राधेश्याम चांडक म्हणाले, ‘‘आगामी काळ शेती व्यवस्थेवर अवलंबून असणारा असून, जगभरात अन्नाची गरज वाढत आहे. त्यामुळे शेती उत्पादन साठवून ठेवण्याची क्षमता वाढवावी लागणार आहे. त्याकरिता आगामी काळात आम्ही अन्नसुरक्षेच्या दृष्टीने गोदाम शृंखलेला अधिक बळ देणार आहोत.’’
बुलडाणा अर्बनवर सभासद ग्राहकांनी दाखविलेल्या विश्‍वासाबद्दल चांडक आणि मुख्य कार्यकारी अधिकारी शिरीष देशपांडे यांनी आभार मानले आहेत. लाभांश घेण्यासाठी जवळच्या शाखेशी संपर्क करावा, असे आवाहनही त्यांनी केले.