पुणे, ता. ८ : सत्यआरंभ सिने-नाट्य संस्था व डी लक्स स्टुडिओज आयोजित कलामहर्षी चित्रसुर्य दिवंगत बाबूराव पेंटर जन्मोत्सव पुरस्कार सोहळ्यात ज्येष्ठ अभिनेते मोहन जोशी यांना ‘जीवनगौरव पुरस्कार’ तर लावणी सम्राज्ञी सुरेखा पुणेकर यांना ‘कलागौरव पुरस्कार’ देऊन सन्मानित करण्यात येणार आहे, अशी माहिती सत्याआरंभ सिने-नाट्य संस्थेचे संस्थापक अध्यक्ष रमाकांत सुतार यांनी पत्रकार परिषदेत दिली.
या वेळी दीपक गायकवाड, अमोल कुंभार, कृष्णा खबाले, सुनीता वाघमारे आदी उपस्थित होते. हा कार्यक्रम पद्मावती येथील लोकशाहीर अण्णा भाऊ साठे सभागृहात बुधवारी (ता. १२) सायंकाळी ४ वाजता होणार आहे. या वेळी गरजू महिलांना रोजगार उपलब्ध करून
देणाऱ्या बचतगटांचा सन्मान देखील करण्यात येणार आहे. कार्यक्रमाला नागरिकांनी उपस्थित राहण्याचे आवाहन संयोजकांतर्फे करण्यात आले.