राज्यस्तरीय वक्तृत्व स्पर्धेत
रोहन कवडेहाला प्रथम क्रमांक
पुणे, ता. ३ : श्री शिवाजी मराठा सोसायटी आयोजित आंतर महाविद्यालयीन राज्यस्तरीय वक्तृत्व स्पर्धेत वारजे येथील संस्कार मंदिर महाविद्यालयाचा रोहन कवडेहा याने प्रथम क्रमांकासाठीचा देशभक्त केशवराव जेधे करंडक पटकावला. सावित्रीबाई फुले पुणे विद्यापीठाच्या तेजस पाटीलने द्वितीय, तर कमिन्स कॉलेज ऑफ इंजिनिअरिंगच्या तन्वी कांबळेने तृतीय क्रमांक पटकावला.
स्पर्धेचे उद्घाटन सावित्रीबाई फुले पुणे विद्यापीठाच्या राष्ट्रीय सेवा योजनेचे संचालक डॉ. सदानंद भोसले यांच्या हस्ते झाले. पारितोषिक वितरण टिळक शिक्षणशास्त्र महाविद्यालयाच्या प्राचार्या डॉ. राधिका इनामदार यांच्या हस्ते झाले. या वेळी संस्थेचे उपाध्यक्ष राजेंद्र जगताप, सहसचिव विकास गोगावले, खजिनदार जगदीश जेधे, नियामक मंडळाचे अध्यक्ष सत्येंद्र कांचन, सदस्य डॉ. सुनील जगताप, कमल व्यवहारे, रघुनंदन जाधव, पद्माकर पवार, महादेव पवार, प्रभारी प्राचार्य डॉ. दीपाली पाटील उपस्थित होते.
डॉ. पांडुरंग कंद व डॉ. विजय लोंढे यांनी परीक्षक म्हणून काम पाहिले. यश पाटील (बी. के. बिर्ला महाविद्यालय, मुंबई), यश फुलवरे (फर्ग्युसन), शुभम राऊत (ए.एस.एम. महाविद्यालय, चिंचवड), चैतन्य बावधाने (फर्ग्युसन), वृषभ चौधरी (के.टी.एच.एम. कॉलेज, नाशिक) यांना उत्तेजनार्थ पारितोषिके देण्यात आली. डॉ. संतोष यादव, डॉ. अमित गोगावले यांनी सूत्रसंचालन केले. डॉ. रजनी जरांडे, डॉ. दीपक सुरवसे यांनी आभार मानले.
-----