पुणे, ता. २५ : विविध ऋतूतील निसर्गाच्या रंगछटा, प्राणी-पक्ष्यांचे हुबेहूब हावभाव, देवदेवता, व्यक्तिचित्र, कार्टून, विविध देशातील पर्यटनस्थळे अशा चित्रांतून रंगाची जादू कॅनव्हासवर रेखाटलेल्या ‘आर्ट मॅजिक २०२४’ चित्रकला प्रदर्शनाचे उद्‍घाटन झाले. प्रदर्शन शुक्रवारी (ता. २६) सकाळी ११ ते रात्री आठ या वेळेत विनामूल्य पाहता येईल.
आर्ट मॅजिक संस्थेतर्फे बालगंधर्व कलादालनात प्रदर्शन आयोजित केले आहे. यावेळी ज्येष्ठ चित्रकार मुकीम तांबोळी व चंद्रशेखर कुमावत उपस्थित होते. प्रदर्शनात एकूण १२० चित्रांचा समावेश असून चाळीसहून अधिक कलाकारांनी प्रदर्शनात सहभाग नोंदवला. महालक्ष्मी पवार आणि अंबादास पवार यांनी प्रदर्शनाचे आयोजन केले. अनुजा गुर्जर, ईश्वरी मते, यज्ञेश हरिभक्त, तनया गडाळे, रोहित काळे, आदिती काशीद, नीरज शहा, इशिता शहा, श्‍लोक चव्हाण, वेदांत अवघडे, सान्वी खळदकर, श्लोक धुमाळ, ऋचा पोतदार, शौनक चव्हाण वाघोलीकर, लावण्या गायकवाड यांनी संयोजनात सहभाग घेतला आहे. प्रदर्शनात ऍक्रेलिक पेंटिंग, ऑइल पेंटिंग, कलर पेन्सिल, ट्राय पेस्टल तसेच रेझीन आर्ट, चारकोल, परस्पेक्टिव्ह या माध्यमातील विविध चित्रांचा समावेश होता.