पुणे, ता. २५ : दुभाजकावर आदळून दुचाकीस्वाराचा मृत्यू झाल्याची घटना गणेशखिंड रस्ता परिसरात घडली. पार्थ सारथी छल्ला (वय ५०, रा. मधुरिमा अपार्टमेंट, अभिनव कॉलेजसमोर, पाषाण रस्ता) असे मृत्युमुखी पडलेल्या दुचाकीस्वाराचे नाव आहे. याबाबत पोलिस उपनिरीक्षक मनीषा जाधव यांनी शिवाजीनगर पोलिस ठाण्यात फिर्याद दिली आहे. गणेशखिंड रस्त्यावर ८ जानेवारी २०२४ रोजी दुभाजकावर आदळून दुचाकीस्वार छल्ला यांचा मृत्यू झाला होता. भरधाव वेगामुळे अपघात झाल्याचे पोलिस तपासात उघडकीस आले असून त्यानंतर पोलिसांनी याप्रकरणी गुन्हा दाखल केला.