पुणे, ता. ११ : साडेतीन मुहूर्तांपैकी एक असलेल्या अक्षय्य तृतीयेच्या या मुहूर्तावर मानाचा पहिला श्री कसबा गणपती यांची मूर्ती घडविण्यात येणाऱ्या मृदेचा पवित्र मृदा पूजन सोहळा मंडळाच्या वतीने मूर्तिकार अभिजित धोंडफळे यांच्या स्टुडिओमध्ये करण्यात आला. हे मृदा पूजन मंडळाचे अध्यक्ष श्रीकांत शेटे व सर्व पदाधिकारी तसेच, लोकसेवा प्रतिष्ठानचे उपाध्यक्ष श्रीधर चव्हाण, रवींद्र चौक गणेश मंडळाचे अध्यक्ष राजेंद्र गवारे, विश्‍वस्त राज नाईक तसेच कसबे पुणे प्रतिष्ठानचे अध्यक्ष संदेश कसबे यांच्या हस्ते करण्यात आले.