पुणे, ता. १४ : महिलांना फावल्या वेळेत अर्थार्जन करता यावे, यासाठी गुरुवारी (ता. १६) विनामूल्य कार्यशाळेचे आयोजन करण्यात आले आहे.
तनिष्का व्यासपीठ, ‘सकाळ माध्यम समूह’आणि नेटसर्फ डायरेक्ट यांच्या वतीने ही कार्यशाळा होणार आहे. महिलांमधील उद्योजकता वाढीस लागून त्यांच्या क्षमतांचा विकास व्हावा, तसेच कुटुंबाच्या वाढत्या खर्चाला हातभार लावता यावा, या उद्देशाने होणाऱ्या कार्यशाळेत विक्रीचे कौशल्य, संभाषण कला आदी विषयांवर मार्गदर्शन होणार आहे. ही कार्यशाळा उत्सव मंगल कार्यालय, लोकमान्य कॉलनी, सह्याद्री रुग्णालयाच्या मागे, कोथरूड या ठिकाणी गुरुवारी दुपारी साडेतीन वाजता होणार आहे. यामध्ये सहभागी होण्यासाठी ९८८१५९८८१५ या क्रमांकावर नावनोंदणी करावी, असे आवाहन करण्यात आले आहे.