पुणे, ता. २ : चेलाराम फाउंडेशनतर्फे ‘चेलाराम अल्ट्रा वेलनेस क्लिनिक’ सुरू करण्यात आले. या केंद्रामध्ये आधुनिक वैज्ञानिक उपकरणे, आरोग्य आणि वेलनेस क्षेत्रातील कुशल व्यावसायिक तंत्रज्ञ, थेरपिस्ट आणि न्युट्रिशनल कॅफेटेरियाचा समावेश आहे.
चेलाराम अल्ट्रा वेलनेस क्लिनिकने रोगप्रतिबंधावर भर दिला आहे. चांगल्या आरोग्यासाठी चांगली जीवनशैली असली पाहिजे, हे केंद्राचे सूत्र आहे. त्यासाठी शारीरिक, भावनिक, मानसिक आणि आध्यात्मिक तंदुरुस्तीचे एकत्रीकरण करण्यात आले आहे.
चेलाराम फाउंडेशनचे प्रणेते लाल चेलाराम म्हणाले की, आरोग्याला चालना देणारे, आजारांना प्रतिबंध करणारे आणि मानसिक व शारीरिक आरोग्यासाठी वैज्ञानिक उपचार पद्धतींवर आधारित सुविधा, साधने आणि तज्ञांचे मार्गदर्शन समुपदेशनाद्वारे सक्षम करणे हे उद्दिष्ट आहे.