पुणे, ता. ५ : महापालिकेच्या बांधकाम विभागाने कोरेगाव पार्कमध्ये ४६ हजार ५०० चौरस फुटांवरील बेकायदा बांधकाम जमीनदोस्त केले. कोरेगाव पार्कमधील संगमवाडी टीपी स्किममधील भूखंड क्रमांक ४०५ येथील हॉटेल्ससाठी पक्के बांधकाम, शेड टाकून व्यवसाय सुरू केले होते. हे बेकायदा बांधकाम पाडण्यासाठी बांधकाम विभागाने डिसेंबर २०२० मध्ये नोटीस बजावली होती. याप्रकरणी महापालिकेने न्यायालयात याचिका दाखल केली होती. या दाव्यात न्यायालयाचा निकाल महापालिकेच्या बाजूने लागल्यानंतर लगेच कारवाई करण्यात आली. यात हॉटेल चूल मटण, हॉटेल बारमंका कॅफे, पूजा फ्रूट अँड व्हेजिटेबल, लजीज चिकन सेंटर, पत्र्याच्या खोल्या, क्रिकेट टर्फ व शेड, मसल बार जिम यांचे ४६ हजार ५०० चौरस फूट बेकायदेशीर बांधकाम पाडण्यात आले, अशी माहिती बांधकाम विभागाने दिली आहे.