पुणे, ता. ६ ः जागतिक पर्यावरण दिनानिमित्त बँक ऑफ बडोदाच्या देशभरातील कार्यालयांनी उद्याने दत्तक घेतली आणि ४९८ हून अधिक वृक्षारोपण कार्यक्रम आयोजित केले. उद्यानांची निगा राखणे, झाडे व फुलझाडे लावणे आणि त्यांना कचऱ्यापासून मुक्त ठेवणे या जबाबदाऱ्या बँक पार पाडतील. बँक ऑफ बडोदाच्या कॉर्पोरेट कार्यालयात कार्यकारी संचालक लाल सिंग यांच्यासमवेत वृक्षारोपण मोहिमेला प्रारंभ झाला. यावेळी बँकेचे व्यवस्थापकीय संचालक आणि मुख्य कार्यकारी अधिकारी देबदत्त चंद उपस्थित होते. बॅंक म्हणून आम्ही हरित भविष्य घडवण्यासाठी प्रभावी उपाययोजना करण्यासाठी वचनबद्ध आहोत, असा विश्वात चंद यांनी व्यक्त केला.