पुणे, ता. ४ : वीजदरात केलेली वाढ त्वरित रद्द करावी, या मागणीसाठी पतित पावन संघटनेच्या वतीने गुरुवारी आंदोलन करण्यात आले.
संघटनेचे शहराध्यक्ष श्रीकांत शिळीमकर आणि मनोज नायर यांच्या अध्यक्षतेखाली करण्यात आलेल्या आंदोलनात कार्यकर्ते मोठ्या संख्येने सहभागी झाले होते. वीजदरात साडेसात टक्के वाढ केल्याचे महावितरणकडून सांगण्यात आले असले, तरी प्रत्यक्षात मोठ्या प्रमाणावर दरवाढ झाली आहे. वीज गळती आणि चोरीमुळे महावितरणला मोठ्या प्रमाणावर तूट येत आहे. तो रोखण्यासाठी ठोस उपाययोजना करणे आवश्‍यक आहे. सर्वसामान्य जनतेचा विचार करून ही दरवाढ त्वरित मागे घ्यावी, अशी मागणी नायर यांनी केली आहे.