हरिद्वार, ता. २८ ः नवी दिल्ली येथे कौशल्य भवन येथे झालेल्या राष्ट्रीय व्यावसायिक शिक्षण आणि प्रशिक्षण परिषदेमध्ये दिव्य योग मंदिर ट्रस्टला डुवेल ॲक्रिडेशन प्रदान करण्यात आले आहे.
यावेळी दिव्य योग मंदिर ट्रस्टचे महामंत्री आचार्य बालकृष्ण म्हणाले, ‘‘कौशल्य विकास, आत्मनिर्भर भारत आणि रोजगार निर्मितीसाठी पतंजलीचे प्रयत्न सुरू आहेत. ट्रस्टला मिळालेल्या या बहुमानामुळे या प्रयत्नांना आणखी बळ मिळाले आहे. ट्रस्टला मिळालेल्या या यशामुळे आता ६० पेक्षा जास्त व्यावसायिक शिक्षणाचे अभ्यासक्रम देशभरात सुरू केले जातील’’.
‘‘देशासह जगभरात स्थिती बदलत असताना त्याचा विचार करून व्यावसायिक कौशल्य प्राप्त केलेल्या व्यक्तींसाठी रोजगार वाढविण्यात येणार आहेत. यामुळे केवळ तरुण वर्ग आत्मनिर्भर बनणार नाही तर त्यासोबत अन्य नागरिकही यामध्ये सहभाही होऊन ते समृद्ध होतील. त्यातून देशही समृद्ध होईल’’, असे बालकृष्ण यांनी सांगितले. यावेळी राष्ट्रीय व्यावसायिक शिक्षण आणि प्रशिक्षण परिषदेचे अध्यक्ष अतुल तिवारी उपस्थित होते.