पुणे, ता. ७ : ब्रिटिश संसदेतील ‘हाऊस ऑफ कॉमन्स’मध्ये आयोजित करण्यात आलेल्या कार्यक्रमात ‘आदि गुरू शंकराचार्य’ यांनी रचलेले आध्यात्मिक ग्रंथ ‘दि वर्क्स ऑफ आदि शंकराचार्य’ या शृंखलेच्या सांगितीक मालिकेचे प्रकाशन नुकतेच करण्यात आले, अशी माहिती डॉ. अनुराधा पौडवाल आणि कविता पौडवाल यांनी पत्रकार परिषदेत दिली.
डॉ. अनुराधा पौडवाल म्हणाल्या, ‘‘आजच्या तरुणांपर्यंत आदि गुरू शंकराचार्य यांचे तत्वज्ञान पोचविण्यासाठी विशेष मोहीम आखली असून, याची सुरुवात पुण्यातून केली आहे.’’ या वेळी डॉ. पौडवाल यांच्या ‘वर्क्स ऑफ आदि शंकराचार्य’ या नवीन संगीत श्रृंखलेचे अनावरण करण्यात आले.