पुणे, ता. २५ : महाराष्ट्राचे आद्य-दैवत श्री विठ्ठल माउलीच्या पादुका पंढरपूरहून एप्रिल महिन्यात लंडनच्या दिशेने निघाल्या होत्या. त्या प्रथम आळंदी, देहू, संभाजीनगर, नागपूर मार्गे वाराणसी, काठमांडू, नेपाळ, चीन, किर्गिस्तान, उज्बेकिस्तान, कजाकिस्तान, रशिया, लाटव्हिया, लिथुआनिया, रोमानिया, जॉर्जिया, हंगेरी, टर्की, जर्मनी, नेदरलँड्स, बेल्जियम, फ्रान्स, ब्रिटन आदी २२ देशांतून भाविक वारकरी भक्तांसह लंडनमध्ये २१ जूनला पोहोचल्या. वाटेतील सर्व देशांमध्ये तेथील भक्तांनी दर्शन घेतले. ब्रिटनमधील महाराष्ट्र मंडळाने पादुकांचे स्वागत केले. या विशेष उपक्रमाचे स्वागत आळंदीचे माजी विश्‍वस्त डॉ. सुरेश गरसोळे यांनी नकाशाद्वारे केले आहे. या उप‌क्रमात वारकरी अनिल खेडेकर, संतोष पारकर, विनोद देवकर, डॉ. शिवानंद जाधव आदींनी सह‌भाग घेतला होता.