पुणे, ता. ९ : वीज कंपन्यांच्या नवीन धोरणाविरोधात विद्युत कर्मचारी, अभियंते, अधिकारी कृती समितीच्या वतीने पुकारलेला तीन दिवसांच्या संपाचा किरकोळ घटना वगळता गुरुवारी वीज पुरवठ्यावर कोणताही परिणाम झालेला नाही.
वीज कर्मचारी संघटनांच्या संयुक्त कृती समितीने ९ ते ११ ऑक्टोबरदरम्यान संप पुकारला आहे. दरम्यान, संप कालावधीत वीजपुरवठा सुरळीत ठेवण्यासाठी महावितरणकडून आपत्कालीन नियोजनासाठी यंत्रणा सज्ज ठेवली आहे. तसेच, गंभीर कारणास्तव घेतलेल्या रजा वगळून सर्व अभियंते, अधिकारी व कर्मचाऱ्यांच्या रजा रद्द केल्या आहेत. रजेवरील कर्मचाऱ्यांना तातडीने कामावर रुजू होण्याची सूचना दिली आहे.
दरम्यान, या संपात महाराष्ट्र स्टेट इलेक्ट्रिसिटी वर्कर्स फेडरेशन, महाराष्ट्र वीज कामगार महासंघ, सर्बोर्डिनेट इंजिनिअर्स असोसिएशन, महाराष्ट्र राज्य वीज कामगार काँग्रेस (इंटक), महाराष्ट्र राज्य मागासवर्गीय विद्युत कर्मचारी, महाराष्ट्र राज्य स्वाभिमानी विद्युत वर्कर्स युनियन, तांत्रिक कामगार युनियन यासह इतर संघटना सहभागी झाल्या आहेत. पुणे परिमंडलाच्या रास्तापेठ कार्यालयाच्या प्रवेशव्दारावर संपकऱ्यांनी प्रशासनाच्या विरोधात घोषणाबाजी केली.
- संपातील सहभागी संघटना - ७
- एकूण कार्यरत कर्मचारी संख्या : ३६७४
- कामावर हजर असलेल्या कर्मचाऱ्यांची संख्या : १३४८
- संपात सहभागी कर्मचारी संख्या : २२६२
- रजा, प्रवास कर्मचारी संख्या : ६४
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.