पुणे, ता. ४ ः ‘फॅमिली डॉक्टर आणि सेकंड ओपिनियन’ या संकल्पनेंतर्गत ‘ब्राह्मण युनिटी फाउंडेशन’च्या वतीने नुकतेच आरोग्य शिबिर पार पडले. मधुमेह, दंतचिकित्सा, नेत्रचिकित्सा, आयुर्वेदिक उपचार, हृदयरोग आदी तपासण्या या शिबिरात करण्यात आल्या. या वेळी ११० जणांची तपासणी केली. ‘नाडी तरंगिणी’ या अत्याधुनिक नवीन उपकरणामार्फत नाडी परीक्षा हे शिबिराचे वैशिष्ट्य होते. हृदयरोगतज्ज्ञ डॉ. जगदीश हिरेमठ यांनी ‘सीपीआर’ उपचाराबद्दल प्रात्याक्षिकासह माहिती दिली. या वेळी डॉ. ज्ञानेश कन्नूर, अचला दीक्षित, वैशाली अंजलेकर, रवींद्र जोशी, अभिजित देशपांडे, विभा देशपांडे, नेत्रतज्ज्ञ शैलेश बर्वे, सई सुमंत, मिलिंद राजूरकर आदी उपस्थित होते.